Hindi na nakapalag pa ang isang kandidato sa pagka-Barangay Chairman nang arestuhin dahil sa vote buying sa Dasamarinas,Cavite.
Sinabi ng Cavite Police, inaresto ni incumbent Barangay Chairman Benny Beltran ng Salitran 3 si Mar Apostol dahil sa kaso ng pagbili ng boto.
Bandang alas-2:00 Lunes ng madaling araw sa isang subdivision sa naturang barangay nang mangyari ang insidente.
Patuloy naman na iniimbestigahan ng pulisya ang ebidensyang nakuha laban sa suspek habang nakapiit na si Apostol sa Dasmariñas Police Station.
Samantala, binugbog ng hindi pa kilalang mga suspek ang isang kandidato sa pagka-barangay councilor na si Rolando Loyola sa Paliparan 3, Cavite.
Patuloy pa ring inaalam ng mga awtoridad ang motibo sa pambubugbog
